minsan isang makulimlim na hapon
huminto ako para mag-isip
malaya nga kayang matatawag ang buhay ko?
kung sa tuwiran kong pagpapahayag nagiging pipi ang ilan
kung sa pagsilay ng ngiti sa aking mga labi
dulot nama'y pighati
kung sa paggawa ng kabutihan
nakikita ng iba'y kasamaan
kung sa pagsuot ng disenteng saplot
kalaswaa'y pilit sinisilip
kung sa taimtim na pagdarasal
pilit na ginugulo ng kadiliman
kung ang kapiranggot na kaginhawaan
nakikita'y karangyaan
kalayaan.. ano nga ba ang tunay mong
kulay at kahulugan?
